Deungo lon kisah saboh calitra,
Bunoe lam poh sa ulon sep malee.
Watee lon sujud nibak mushalla,
Rukok keuluwa lam saku bajee.
ureung disampeng dikhem meubura,
Krn puasa nyoe teungoh watee.
Hana lon sangka hana teujalok,
Rupajih rukok mantong meu abee...
Wate lon ingat teu khem hana pre,
Rukok meu gule diplung meu taga.
Atra roeh sawoe tinggai sitangke,
Ka rhet meugule ateuh musalla.
Hana jeut keu hai rakan boh hate,
Yang peunteng hase tanyo puasa.
Karna puasa ibadah hate,
Hana so sampe yg tuoeh kada.
Ureung yg teukhem kon geunit ganje,
Geunit seunyum pre mangat na pahla.
Krn senyum sedekah sabe,
Cukoep le hase bln puasa.
0 komentar:
Post a Comment